Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 70 Hüküm no: 25 Orijinal metin no: [7a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Attarzâde Mehmed Efendi’nin malının üçte birinin eski vasîsi Mehmed Çelebi’den alınarak Mehmed Ağa b. Hasan’a teslim edildiği Dârü’l-hilâfeti’l-aliyye Kostantıniyye el-mahmiye’de Akşemseddin Mahallesi’nde sâkin iken bundan akdem vedâ‘-ı âlem-i fânî eden Attarzâde Mehmed Efendi’nin vesâyâsını tenfîze vasîyy-i muhtârı olan fahrü’l-eşbâh Mehmed Ağa b. Hasan meclis-i şer‘-i hatîrde işbu bâ‘isü’l-kitâb diğer Mehmed Çelebi b. Hasan nâm kimesne mahzarında ikrâr-ı tâm ve takrîr-i kelâm edip müteveffâ-yı mezbûr hayatında mezbûr Mehmed Çelebi’yi vasîyy-i muhtâr eylediğinden sonra vasiyet-i mezbûresinden rücû‘ edip vesâyâsını tenfîze beni vasîyy-i muhtâr nasb ve ihtiyâr eylediğini hâlâ beni [ben] hâkim-i muvakki‘-i sadr-ı kitâb -tûbâlehû ve hüsnü-meâb- hazretleri huzûrunda şühûd-i udûl ile ba‘de’l-isbât mezbûr Mehmed Çelebi’nin makbûzu olan tereke-i müteveffâ-yı mezbûrun sülüs mâlını bana teslîme tenbîh olunmağın el-hâletü hâzihî sâlifü’z-zikr sülüs mâlı mezbûr Mehmed Çelebi yedinden vesâyetim hasebiyle bi’t-tamam ahz ü kabz eyledim yedinde bir akçe ve bir habbe kalmadı dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâmin ve’l-işrîn min-Şevvali’l-mükerrem li-sene tis‘în ve elf. Şuhûdü’l-hâl: el-Hâc Yusuf b. Abdülmennan, Ahmed Bey b. Sefer, Mehmed Çelebi b. Haydar, Ahmed Çelebi b. Piyale, Ali Beşe b. Abdullah.