Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 78 Hüküm no: 34 Orijinal metin no: [9a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Osman b. Ömer’in Bostan Bey b. Mustafa’ya iki gümüş kılıcını aldığı iddiasıyla açtığı davanın reddedildiği Vilâyet-i Anadolu’da Trabzon Sancağı’nda Rize kasabası ahâlîsinden el-Hâc Osman b. Ömer nâm kimesne Dîvân-ı Hümâyûn-ı sa‘âdet-makrûnda ma‘kūd meclis-i şer‘-i şerîf-i lâzımü’t-teşrîfde yine kasaba-i mezbûre ahâlîsinden işbu bâ‘isü’l-kitâb Bostan Bey b. Mustafa nâm kimesne mahzarında üzerine da‘vâ ve takrîr-i kelâm edip bundan akdem mezbûr Bostan Bey kasaba-i mezbûrede eşyâ-i memlûkemden iki sîm kılıcımı bi-gayr-ı hakkın ahz ü kabz ve mesârifine sarfla istihlâk etmekle hâlâ mezbûr Bostan Bey’e suâl olunup ihkāk-ı hak olunmak matlûbumdur dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip mezbûr Bostan Bey’e ber-vech-i muharrer yemîn dahi vermemeğin mûcebince müdde‘î-i mezbûr el-Hâc Osman bî-vech mu‘ârazadan men‘ olunup mâ-hüve’l-vâki‘ bi’t-taleb ketb olundu. Fi’l-yevmi’t-tâsi‘ ve’l-işrîn min-Şevvali’l-mükerrem li-sene tis‘în ve elf. Şuhûdü’l-hâl: es-Sâbıkūn.