Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 85 Hüküm no: 42 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun bt. Mustafa Ağa’nın, kızının vasîsi olan Mehmed Efendi üzerine nazır tayin edildiği Mahmiye-i İstanbul’da Kızıltaş Mahallesi ahâlîsinden olup bundan akdem Uyvar kal‘ası muhâfazasında iken vefât eden Dergâh-ı âlî çorbacılarından Mehmed Ağa b. Süleyman’ın sagīre kızı Râbia’nın tesviye-i umûruna kıbel-i şer‘den mansûb vasîsi olan Mehmed Efendi b. Ali Çavuş üzerine hasbî nâzır nasb ve ta‘yîn olunmak lâzım ve mühim olmağın işbu râfi‘atü’l-kitâb sagīre-i mezbûrenin vâlidesi Hadîce Hatun bt. Mustafa Ağa vasîyy-i mezbûr üzerine kıbel-i şer‘den hasbî nâzıra nasb ve ta‘yîn olundukda ol dahi nezâret-i mezbûreyi kabûl ve merâsimini edâya ta‘ahhüd ve iltizâm etmeğin mâ-hüve’l-vâki‘ bi’t-taleb ketb ü terkīm olundu. Fi’l-yevmi’s-sânî aşer min-Zilka‘deti’ş-şerîfe li-sene tis‘în ve elf. Şuhûdü’l-hâl: Eş-şeyh Mehmed Efendi b. Mustafa el-imâm, Ali Efendi b. Mustafa el-müezzin, Mustafa Efendi b. Ramazan, İbrahim Efendi b. Halil, Ali Bey b. Hamza, Sefer Beşe b. Yusuf, Mehmed Ali b. Haydar ve gayruhum mine’l-huzzâr.