Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 91 Hüküm no: 50 Orijinal metin no: [12b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâbık Anadolu Kazaskeri Mustafa Efendi’nin Yahudi Yako v. İsak’tan bir ev satın aldığı Husûs-ı âti’l-beyânın mahâllinde tahrîri iltimâs olunmağın savb-ı şer‘den irsâl olunan Mevlânâ Hüseyin Efendi b. Himmet sâbıkā Anadolu Kādıaskeri olan a‘lemü’l-ulemâi’l-izâm efdalü’l-fudalâi’l-fihâm yenbû‘u’l-fezâil ve’l-e‘âlî metbû‘i’l-efâzıl ve’l-e‘âlî alemü’l-ilm ve’l-hüdâ menârü’l-fazl ve’t-tekā sa‘âdetli Mustafa Efendi hazretlerinin mahmiye-i İstanbul’da Tevkī‘î Cafer Çelebi Mahallesi’nde vâki‘ sa‘âdethânelerine varıp zeyl-i kitâbda muharrerü’l-esâmî olan Müslimîn huzûrunda akd-i meclis-i şer‘-i mübîn eyledikde müşârün-ileyh Mustafa Efendi hazretleri meclis-i ma‘kūd-ı mezbûrda mahmiye-i mezbûre hısnı ebvâbından Balat kapısı hâricinde Karabaş Mahallesi’nde mütemekkin tâife-i Yahûd’un Kiroz cemâ‘atinden bâ‘isü’s-sifr Yako v. İsak nâm Yahûdî muvâcehesinde ikrâr ve takrîr-i kelâm edip mezbûr Yako işbunda olan hüccet-i şer‘iye nâtık olduğu üzre mahrûse-i Galata muzâfâtından Kuruçeşme demekle ma‘rûf karyede vâki‘ bir tarafdan Mosi v. Mosi nâm Yahûdî mülkü ve bir tarafdan Tabiboğlu Avraham nâm Yahûdî mülkü ve bir tarafdan sâhil-i bahr ve bir tarafdan tarîk-ı âm ile mahdûd fevkānî beş bâb odayı ve bir kenîfi ve altında iki mahzeni [13a] (...) (...) mülk menzilini cümle tevâbi‘iyle bundan akdem (...) (...) teslîm biz dahi iştirâ ve tesellüm edip menzil-i mezbûr mülk (...) (...) (...) (...) fesh ve ikāle edip biz menzil-i mezbûru (...) (...) için aldığı meblağ-ı mezbûr iki bin (...) (...) eylediklerinde gıbbe’t-tasdîkı’ş-şer‘î mâ-hüve’l-vâki‘ (...) [bi’t-taleb ketb olundu]. (...) (...) aşer min-Zilka‘deti’ş-şerîfe li-sene tis‘în ve elf. Şuhûdü’l-hâl: (...) (...) Seyyid Abdülaziz Çelebi b. ( ) el-imâm, Mehmed Efendi b. Mustafa, el-Hâc İsmail Ağa b. ( ), el-Hâc Mehmed Çukadâr, Mehmed Çelebi b. Haydar.