Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 99 Hüküm no: 61 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hayır bt. Ali ile Mehmed Beşe b. Hasan’ın muhâlaa yoluyla boşandıkları Mahmiye-i İstanbul’da Mesih Paşa Mahallesi’nde sâkine Hayır bt. Ali nâm hatun meclis-i şer‘-i şerîf-i lâzı[mü]’t-tekrîmde zevc-i dâhili işbu bâ‘isü’l-kitâb Mehmed Beşe b. Hasan mahzarında ikrâr ve takrîr-i kelâm edip zevcim mezbûr Mehmed Beşe zimmetinde mütekarrir ve ma‘kūdün-aleyh olan dört bin akçe mehr-i müeccelim ve nafaka-i iddet-i mu‘ayyene-i ma‘lûmem üzerine ve meûnet-i süknâm dahi kendi üzerime olmak üzre mezbûr Mehmed Beşe ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eylediğinden sonra hukūk-ı zevciyete müte‘allika âmme-i de‘âvî ve mutâlebâtdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâdis ve’l-işrîn min-Zilka‘deti’ş-şerîfe li-sene tis‘în ve elf. Şuhûdü’l-hâl: Mustafa Çelebi b. Ahmed, el-Hâc Mustafa b. Halil, Hasan Beşe b. Receb, Mehmed Çelebi b. Abdurrahman, Hüseyin Beşe b. Mustafa.