Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 140 Hüküm no: 101 Orijinal metin no: [26b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mehmed Çelebi’nin terekesinin taksimi Mahmiye-i İstanbul’da Dâye Hatun Mahallesi’nde sâkin iken bundan akdem vefât eden Küçük Emir demekle ma‘rûf es-Seyyid Mehmed Çelebi b. es-Seyyid Mehmed’in verâseti zevce-i metrûkesi İsmihan bt. el-Hâc Veliyüddin ile li-üm karındaşları es-Seyyid Mustafa Çelebi ve es-Seyyid Ahmed Çelebi’ye ve ammi oğulları Muharrem Çelebi ve Ali Çelebi ve Murad Çelebi ve Abdülkerim Çelebi ve Mahmud Çelebi ve İbrahim Çelebi ve Şeyh Osman Çelebi’ye münhasıra olup ba‘dehû mezbûr Mahmud Çelebi dahi vefât edip verâseti sulbî kebîr oğulları Mehmedcan ve Alican ve Receb ve kızı Sâliha’ya münhasıra olup ba‘dehû mezbûr Abdülkerim Çelebi dahi vefât edip verâseti zevce-i metrûkesi ( ) ile sulbî kebîr oğlu Murtaza’ya ve kızı Afîfe’ye münhasıra olduğu şer‘an zâhir ve mütebeyyin oldukdan sonra müteveffâ-yı mezbûr es-Seyyid Mehmed Çelebi’nin cümle-i terekesi her birinin mazmûnu müsbit hüccet-i şer‘iyeler nâtıka olduğu üzre erbâb-ı düyûna edâ olunmağla mezbûrûn es-Seyyid Ahmed Çelebi ve Muharrem Çelebi ve Mehmedcan talebleriyle ketm [ketb] [27a] ve tahrîr olundu. Fi’l-yevmi’s-sâlis min-Muharremi’l-harâm li-sene ihdâ ve tis‘în ve elf. Müteveffâ-yı mezbûrun İstanbul’da olan ber-mûceb-i defter-i kassâm on beş bin dört yüz elli guruş terekesinin defter-i mezbûrda tahrîr olunan menzilin ekseri vakıf olmağla üç bin guruş ve İbrahim Çavuş zimmetinde olmak üzre tahrîr olunan iki bin beş yüz guruşun <> tahsîli mümkin olmamağın cem‘an beş bin beş yüz esedî guruş ihrâc olundukdan sonra bâkī kalan meblağ 9950 guruş ber-mûceb-i defter-i mezbûr es-Seyyid Ali Çelebi yedinden makbûz 445 esedî guruş Bağdad’dan gelen mâlı 17500 esedî guruş Haleb’den gelen mâlı 2100 esedî guruş Ayıntab mütesellimi Ali Ağa’dan 1000 esedî guruş Ali ve Murad ve Muharrem yedlerinden 300 esedî guruş Vakıf oda istifâsından der-Vâlide Hanı 450 esedî guruş Haleb’de olan Hızır Bey [yedinden] 800 esedî guruş Yenişehirli Yahya Beşe ve Subhî yedlerinden 400 esedî guruş Cem‘an yekûn 32945 guruş = Otuz iki bin dokuz yüz kırk beş guruşdur Mesârifdir ki zikrolunur: Mehr-i müsbet li-İsmihan el-mezbûre Esedî 300 guruş Deyn-i müsbet-i Seydi Ahmed Çelebi Esedî 11000 guruş Deyn-i müsbet-i Muharrem Bey Esedî 1700 guruş Deyn-i müsbet-i Ahmed Bey Esedî 1500 guruş Deyn-i müsbet be-Kavukcu Mehmed Çelebi Esedî 800 guruş Bâ-tezkire-i Başmuhâsebe Esedî 430 guruş Deyn-i müsbet li-el-Hâc Rıdvan Esedî 1000 guruş Deyn-i müsbet li-Receb Beşe Esedî 1000 guruş Deyn-i müsbet li-el-Hâc Mehmed Esedî 340 guruş Deyn-i müsbet li-Mustafa Ağa Esedî 271 guruş Deyn-i müsbet li-Seyyid Mehmed Çelebi Esedî 270 guruş Deyn-i müsbet li-Sahak Yahûdi Esedî 230 guruş Deyn-i müsbet li-Seyyid Ali Çelebi Esedî 5700 guruş Deyn-i müsbet li-el-Hâc Dilaver Esedî 5400 guruş Deyn-i müsbet li-Halim Bey Esedî 1000 guruş Deyn-i müsbet li-Nâzır Hüseyin Ağa Esedî 3680 guruş Deyn-i müsbet li-Murtaza Bey Esedî 1000 guruş Deyn-i müsbet li-Cafer Bey Esedî 1000 guruş Deyn-i müsbet li-el-Hâc Ahmed Esedî 200 guruş Deyn-i müsbet-i el-Hâc Mehmed Esedî 90 guruş Deyn-i müsbet li-Derzi Zimmî Esedî 50 guruş Deyn-i müsbet li-Siyavuş Ağa Esedî 150 guruş Deyn-i müsbet li-Abraham Yahûdi Esedî 50 guruş Deyn-i müsbet li-Haffâf Ahmed Çelebi Esedî 40 guruş Deyn-i müsbet-i Bakkāl Ahmed Esedî 150 guruş Deyn-i müsbet-i Âişe Hatun Esedî 450 guruş Mehmed Çelebi b. Cafer nâm kimesneye verilen bedel-i sulh Esedî 300 guruş Defter-i kassâmda olan resm-i âdî Esedî 300 guruş Cem‘an yekûn sahh 38400 sahh = Otuz sekiz bin dört yüz guruşdur