Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 147 Hüküm no: 107 Orijinal metin no: [28b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden el-Hâc Üveys b. Hasan’ın ticâret mallarının varisleri arasında taksimi Fi’l-asl medîne-i Âmid mahallâtından Câmi‘-i Kebîr Mahallesi ahâlîsinden olup mahmiye-i İstanbul’da Vâlide Sultân Hânı’nda müsâferet vechi üzre sâkin iken bundan akdem vefât eden el-Hâc Üveys b. Hasan nâm kimesnenin verâseti zevce-i metrûkesi Râziye bt. Sefer ile vâlidesi Emine bt. Derviş ve li-ebeveyn karındaşı İsa ve li-ebeveyn kız karındaşları Müsennâ? ve Kâfiye’ye münhasıra olduğu şer‘an zâhir ve mütebeyyin oldukdan sonra müteveffâ-yı mezbûrun hüccet-i şer‘iye ile vasîyy-i muhtârı olan el-Hâc Mustafa b. Koca Sefer’in yedinde olan defter-i kassâm nâtık olduğu üzre müteveffâ-yı mezbûr Basra’dan getirip ba‘zısını hayatında bey‘ etmekle zimemden cem‘ ve tahsîl olunup vasîyy-i mezbûrun dahi füruht eylediği eşyâ semenleridir ki zikrolunur. Tahrîren fî-yevmi’r-râbi‘ min-Muharremi’l-harâm li-sene ihdâ ve tis‘în ve elf. Müteveffâ-yı mezbûr el-Hâc Üveys hayatında füruht etmekle zimemden cem‘ ve tahsîl olunan 4918,5 esedî guruş Nukūd der-piştahta 432 esedî guruş Vasîyy-i mezbûr el-Hâc Mustafa zimmetinde zuhûr eden 475 esedî guruş Vasîyy-i mezbûrun füruht eylediği eşyâ semenleri 4759,5 esedî guruş Müteveffâ-yı mezbûrun Diyarbekir’den getirdiği kırmızı bez semeni 2262,5 esedî guruş Cem‘an yekûn Sahh 12847,5 sahh= On iki bin sekiz yüz kırk yedi buçuk guruşdur Ve minhe’l-ihrâcât el-mesârif: Müteveffâ-yı mezbûrun hayatında şerîki olmağla Kalender Çelebi nâm kimesnenin sermâye olmak üzre verdiği ve yedinde olan hüccet-i şer‘iye nâtıka olduğu üzre 5250 esedî guruş Deyn-i müsbet-i Bektaş Beşe be-şehâdet-i el-Hâc Hüseyin Berdezâde ve es-Seyyid Zeyneddin Çelebi nakīb-i Diyarbekir hâlâ 1000 esedî guruş [29a] Deyn-i müsbet-i Hasan Paşa be-şehâdeti’l-mezbûreyn 1000 esedî guruş Deyn-i müsbet-i Ahmed Beşe 500 esedî guruş Harc-ı gümrük 350 esedî guruş Müteveffâ-yı mezbûrun vasiyeti mûcebince defter-i kassâm ve hüccet-i şer‘iye nâtık olduğu üzre ihrâc olunan Meblağ 661,5 Mehr-i müsbet li’z-zevceti’l-mezbûre 500 esedî guruş Mukaddemâ verilen resm-i âdî 60 esedî guruş Berây-ı deyn-i Ali Ağa be-kefâlet-i el-Hâc Ebûbekir 1320 esedî guruş Deyn-i müsbet-i Taşcızâde 500 esedî guruş Def‘a deyn-i isbât-ı Taşcızâde 350 esedî guruş Harc-ı hekîm li-müteveffâ-yı mezbûr 20 esedî guruş Oda ücreti 10 esedî guruş Harc-ı hüccet-i vesâyet der-Mahmudpaşa 6 esedî guruş Ramazan Beşe’ye 100 esedî guruş Murtaza Çelebi b. Eyüb Çavuş 36 esedî guruş Müteveffâ-yı mezbûrun mu‘takı Hüseyin’e vasiyeti üzre deyn için verilen 100 esedî guruş Cem‘an sah 11763 sah Bâkī kirâ? esedi Sahha’l-bâkī li’t-taksîmi’l-verese sah 1184 sahh Hissetü’z-zevceti’l-mezbûre Meblağ 271 guruş Hissetü’l-ümmi’l-mezbûr Meblağ 80 guruş Hissetü’l-ahi’l-mezbûr İsa Meblağ 366 guruş Hissetü’l-uhtü’l-mezbûr Meblağ 183 guruş Hissetü’l-uhtü’l-mezbûr Meblağ 183 guruş