Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 155 Hüküm no: 115 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi b. Bali’nin Musa b. Hasan’a olan borcunu ödemesi Mahmiye-i İstanbul’da Uzunçarşı’da vâki‘ Suluhan’da sâkin işbu bâ‘isü’l-kitâb Musa b. Hasan nâm kimesne meclis-i şer‘-i hatîrde mahmiye-i mezbûrede Altımermer kurbünde sâkin Mehmed Efendi b. Bali mahzarında üzerine da‘vâ ve takrîr-i kelâm edip mezbûr Mehmed Efendi zimmetinde cihet-i karz-ı şer‘îden yüz altmış esedî guruş hakkım <> vardır suâl olunup alıverilmesi matlûbumdur dedikde gıbbe’s-suâl mezbûr Mehmed Efendi cevâbında fi’l-hakīka müdde‘î-i mezbûr Musa’ya cihet-i mezbûreden yüz altmış esedî guruş lâzımü’l-edâ ve vâcibü’l-kazâ zimmetimde deynim vardır deyü bi-tav‘ihiikrâr ve i‘tirâf etmeğin alâ-mûceb-i i‘tirâfihî meblağ-ı mezbûr yüz altmış esedî guruşu müdde‘î-i mezbûr Musa’ya edâ ve teslîme mezbûr Mehmed Efendi’ye tenbîh birle mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-Muharremi’l-harâm li-sene ihdâ ve tis‘în ve elf. Şuhûdü’l-hâl: el-Hâc Mustafa Çukadâr, el-Hâc Yusuf b. Abdülmennan, Mehmed Çelebi b. Haydar, Ahmed Çelebi b. Piyale, Ahmed b. ( ).