Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 162 Hüküm no: 123 Orijinal metin no: [32b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostanti ve Demraşko adlı zimmilerin Kiko v. Yani’deki alacaklarını onun ölümü üzerine kefilinden tahsil ettikleri Mahmiye-i İstanbul’da Nişancı Cafer Mahallesi’nde sâkin Kostanti v. Toma ve Demraşko v. Yamandi nâm zimmîler meclis-i şer‘-i hatîrde işbu hâfızü’r-rakīm Menako v. Kurt nâm zimmî muvâcehesinde her biri ikrâr ve takrîr-i kelâm edip celeb-keşân tâifesinden olup bundan akdem hâlik olan Kiko v. Yani zimmetinde cihet-i karz-ı şer‘îden bin beş yüz elli esedî guruş hakkımız olup meblağ-ı mezbûra Menako emir ve kabûlü hâviye kefâlet-i sahîha-i şer‘iye ile kefîl olduğundan sonra hâlik-i mezbûr Kiko meblağ-ı mezbûru edâ etmeden vefât etmeğin hâlâ meblağ-ı mezbûr bin beş yüz elli esedî guruşu kefîl-i mezbûr Menako bi-hükmi’l-kefâle bi’t-tamam bize def‘ ü teslîm biz dahi yedinden ahz ü kabz eyledik zimmetinde meblağ-ı mezbûrdan bir akçe ve bir habbe bâkī kalmadı dediklerinde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’l-işrîn min-Muharremi’l-harâm li-sene ihdâ ve tis‘în ve elf. Şuhûdü’l-hâl: el-Hâc Yusuf b. Abdullah, el-Hâc Mustafa Çukadâr, Ali Çelebi b. Abdünnebi, Mehmed Çelebi b. Haydar, Dimitri v. Kiko, (...) v. Kiko, Takfor v. Dimo.