Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 166 Hüküm no: 130 Orijinal metin no: [34a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Abdullah ile kocası Ali b. Mehmed’in muhâlaa yoluyla boşandıkları Mahmiye-i İstanbul’da Balat kapısı kurbünde el-Hâc İlyas Mahallesi’nde sâkine Sâliha bt. Abdullah nâm hatun meclis-i şer‘-i hatîrde zevci işbu râfi‘u’l-kitâb Ali b. Mehmed nâm kimesne mahzarında ikrâr ve takrîr-i kelâm edip zevcim mezbûr Ali zimmetinde mütekarrir ve ma‘kūdün-aleyh olan bin akçe mehr-i müeccelimden ve nafaka-i iddet-i mu‘ayyenemden geçip meûnet-i süknâm dahi kendi üzerime olmak üzre zevcim mezbûr Ali ile muhâla‘a-i sahîha-i [şer‘iye] ile muhâla‘a edip ol dahi hul‘-ı mezbûru kabûl eyleyip hukūk-ı zevciyete müte‘allika cemî‘ de‘âvîden her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâlis ve’l-işrîn min-Muharremi’l-harâm li-sene ihdâ ve tis‘în ve elf. Şuhûdü’l-hâl: Mumcu Mustafa Çelebi, Mustafa Çelebi b. ( ), Bayram Odabaşı, Kalburcuoğlu Mehmed.