Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 169 Hüküm no: 134 Orijinal metin no: [34b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş b. Mehmed’in Ali Bey b. İsa’ya olan borcunu ödemesi Mahmiye-i İstanbul’da Balaban Ağa Mahallesi ahâlîsinden işbu bâ‘isü’l-kitâb Ali Bey b. İsa meclis-i şer‘de Derviş b. Mehmed nâm kimesne mahzarında üzerine da‘vâ ve takrîr-i kelâm edip mezbûr Derviş zimmetinde yedimde olan deyn temessükü nâtık olduğu üzre mukaddemâ yedimden müşterâ ve makbûz beynimizde ma‘lûm emti‘a bahâsından altmış kıt‘a esedî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr Derviş cevâbında fi’l-hakīka ber-vech-i muharrer emti‘a bahâsından müdde‘î-i mezbûr Ali Bey’e altmış esedî guruş zimmetimde lâzımü’l-edâ ve vâcibü’l-kazâ deynim vardır deyü bi-tav‘ihiikrâr ve i‘tirâf etmeğin alâ-mûceb-i i‘tirâfihî meblağ-ı mezbûr altmış esedî [guruşu] müdde‘î-i mezbûra edâ ve îfâya mezbûr Derviş’e tenbîh birle mâ-hüve’l-vâki‘ [bi’t-taleb ketb olundu]. Fî 28 mine’l-Muharremi’l-harâm sene [10]91. Şuhûdü’l-hâl: Hüseyin b. Osman, Ahmed Çelebi b. Piyale, Mehmed Çelebi b. Haydar, Abdülfettah Efendi. Derûn-ı hüccet-i şer‘iyede mastûr olan altmış esedî guruşa mahmiye-i mezbûrede Altıpoğaça Mahallesi’nde sâkin mezbûr Derviş’in şerîki olan el-Hâc İbrahim b. Emrullah kefâlet-i sahîha-i şer‘iye ile kefîl olmağla bu mahalle şerh verildi. [Mühür]