Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 180 Hüküm no: 147 Orijinal metin no: [37b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ali Çelebi b. Mehmed’in küçük çocuğu Mustafa Çelebi’ye Mustafa Bey b. Ahmed’in vasî tayin edildiği Mahmiye-i İstanbul’da Ali Paşa-yı Atîk Mahallesi sükkânından iken bundan akdem vefât eden Ali Çelebi b. Mehmed nâm kimesnenin sagīr oğlu es-Seyyid Mustafa Çelebi’nin emvâlini hıfz ve ahvâlini zabt için savb-ı şer‘-i enverden bir vasî nasb ve ta‘yîn olunmak lâzım ve mühim olmağla işbu hazır bi’l-meclis Mustafa Bey b. Ahmed nâm kimesne mütedeyyin ve perhizkâr olup her vechile vesâyet uhdesinden gelmeğe kādir olduğunu zeyl-i kitâbda muharrerü’l-esâmî Müslimîn ihbâr etmeğin hâkim-i muvakki‘-i sadr-ı kitâb -tûbâ-lehû ve hüsnü-meâb- dahi mezbûr Mustafa Bey’i sagīr-i mezbûr es-Seyyid Mustafa Çelebi’nin tesviye-i umûruna savb-ı şer‘den vasî nasb ve ta‘yîn etdikde mezbûr Mustafa Bey dahi vesâyet-i mezbûreyi kabûl ve merâsimini edâya ta‘ahhüd etmeğin [38a] mâ-hüve’l-vâki‘ bi’t-taleb ketb olundu. Fi’l-yevmi’s-sâdis min-Saferü’l-hayr li-sene ihdâ ve tis‘în ve elf. Şuhûdü’l-hâl: Mustafa Beşe b. Mehmed, Süleyman Beşe b. Mehmed, Ahmed Ağa b. Mustafa, Sinan Çelebi b. Abdullah, İbrahim Çelebi b. Hasan, Abdullah Efendi b. Mustafa, el-Hâc Hüseyin Ağa b. Ramazan, Ahmed Çelebi b. Piyale, Mehmed Çelebi b. Haydar.