Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 192 Hüküm no: 161 Orijinal metin no: [41a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Hüseyin’in cariyesi Ferah bt. Abdullah’ı azat ettiği Mahmiye-i İstanbul’da Mi‘mâr Sinan Mahallesi sükkânından Mustafa b. Hüseyin nâm kimesne meclis-i şer‘de kendüye rıkkını mu‘terife olan işbu açık kaşlı elâ gözlü orta boylu Rusiyyetü’l-asl hâmiletü hâzihi’l-vesîka Ferah bt. Abdullah nâm câriye-i memlûkesi muvâcehesinde bi’t-tav‘i’s-sâf ikrâr-ı tâm ve takrîr-i kelâm edip mevsûfe-i mezbûre Ferah’ı hasbeten lillâhi te‘âlâ ve haseneten li-rûhi Resûlihi’l-mu‘allâ tahrîr ve i‘tak ve zîk-ı rıkkıyetden ıtlâk ve fezâ-yı hürriyyete ilhâk ve idrâc eyledim fîmâ-ba‘d mevsûfe-i mezbûre Ferah sâir harâir-i asliyât gibi hürre olup üzerinde velâdan gayrı hakk-ı şer‘îm kalmadı dedikde mâ-hüve’l-vâki‘ [bi’t-taleb ketb olundu]. Fî 11 min-Saferü’l-hayr li-sene [10]91. Şuhûdü’l-hâl: Veli b. Nasuh, Ahmed b. Süleyman, Ahmed b. Rıdvan, Hasan b. Ahmed, Mehmed Çelebi b. Haydar, Ahmed Bey b. Piyale, Ahmed Bey.