Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 204 Hüküm no: 176 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe b. Sefer’in el-Hâc Ali Çelebi b. İbrahim’den 580 kuruş borç para aldığı Vilâyet-i Rumeli’nde Gümülcine kazâsına tâbi‘ Hamidli nâm karye ahâlîsinden olup Dergâh-ı âlî -dâme mahfûfen bi’l-meâli- yeniçerilerinin altmış birinci solaklara mahsûs oda yoldaşlarından olan Ahmed Beşe b. Sefer nâm [kimesne] meclis-i şer‘de Anadolu kādıaskeri muhzırlarından işbu bâ‘isü’l-kitâb el-Hâc Ali Çelebi b. İbrahim mahzarında ikrâr ve takrîr-i kelâm edip mezbûr Ali Çelebi işbu meclis-i şer‘de beş yüz seksen aded esedî guruşu bana ikrâz ve teslîm ben-dahi ber-vech-i muharrer iktirâz ve kabz ve tesellüm edip meblağ-ı mezbûr beş yüz seksen esedî guruş mezbûr el-Hâc Ali Çelebi’ye elân zimmetimde vâcibü’l-edâ ve lâzımü’l-kazâ deynim olmağın meblağ-ı mezbûr beş yüz seksen esedî guruşu târih-i kitâbdan elli gün tamamında mezbûr el-Hâc Ali Çelebi’ye edâ ve teslîm etmek üzre ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a [bi’t-taleb] ketb olundu. Fî 13 Saferü’l-hayr sene 1091. Şuhûdü’l-hâl: Mehmed b. Cafer, Mehmed Çelebi b. Haydar, Hüseyin Çelebi el-Muhzır, el-Hâc Ali b. el-Muhzır, İsmail Çelebi el-Muhzır, Hüseyin Efendi el-kâtib, Hasan Efendi el-kâtib.