Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 210 Hüküm no: 183 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Efendi b. el-Hâc Ahmed’in cariyesi Bedrimah bt. Abdullah’ı azat ettiği Mahmiye-i İstanbul’da Kebeciler Hânı’nda sâkin Ali Efendi b. el-Hâc Ahmed meclis-i şer‘-i şerîf-i enverde ikrâr-ı tâm ve takrîr-i kelâm edip bana rıkkıyetini i‘tirâf eden açık kaşlı gök elâ gözlü orta boylu tahmînen yirmi beş yaşında Gürciyyetü’l-asl hâmiletü hâzihi’l-vesîka Bedrimah bt. Abdullah nâm câriye-i memlûkemi hasbeten lillâhi te‘âlâ ve haseneten li-rûhi Resûlihi’l-mu‘allâ tahrîr ve i‘tâk ve zîk-ı rıkkıyetden ıtlâk ve fezâ-yı hürriyyete ilhâk eyledim fîmâ-ba‘d mevsûfe-i mezbûre sâir harâir-i asliyât gibi hürre olup üzerinde şer‘an mevâlî için sâbit velâdan gayrı hakkım kalmadı dedikde mâ-vaka‘a bi’t-taleb ketb olundu. Fi’l-yevmi’l-âşir min-Saferü’l-hayr li-sene ihdâ ve tis‘în ve elf. Şuhûdü’l-hâl: el-Hâc Ali b. ( ), Mehmed Çelebi b. Haydar, Ahmed Çelebi b. ( ), Mustafa b. ( ).