Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 219 Hüküm no: 192 Orijinal metin no: [48b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirkor v. Küpeli Safamon adlı Ermeni’nin cariyesi Ana bt. Sedri’yi azat ettiği Mahmiye-i İstanbul’da Nişancı Paşa-yı Atîk Mahallesi’nde [sâkin] Kirkor v. Küpeli Safamon nâm Ermeni meclis-i şer‘-i şerîf-i enverde kendüye rıkkını i‘tirâf eden açık kaşlı gök elâ gözlü orta boylu Rusiyyetü’l-asl hâmiletü hâzihi’l-vesîka Ana bt. Sedri nâm Nasrâniye [muvâcehesinde] ikrâr ve takrîr-i kelâm edip mezbûre Ana câriye-i memlûkem olmağla mezbûreyi lâ li-garazin âcilin velâ li-ivazin ‘âcilin mâlımdan tahrîr ve i‘tâk eyledim ba‘de’l-yevm mezbûre Ana harâir-i asliyât gibi hürre olup üzerinde hakk-ı şer‘im kalmamışdır dedikde mâ-vaka‘a bi’t-taleb ketb olundu. Fi’l-yevmi’l-hâmis aşer min-Saferü’l-hayr li-sene ihdâ ve tis‘în ve elf. Şuhûdü’l-hâl: Mehmed Çelebi b. Haydar, Ebûbekir Efendi el-kâtib, Ahmed Çelebi b. Abdurrahman, Bogos v. Karez, Gelik v. Merdem.