Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 228 Hüküm no: 202 Orijinal metin no: [51b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan ile kocası Berber Mustafa b. Erziman’ın muhâlaa yoluyla boşandıkları Mahmiye-i İstanbul’da Kefeli Mahallesi’nde sâkine olup zâtı Mehmed b. Ebûbekir ve diğer Mehmed b. Hamza ta‘rîfleriyle mu‘arrefe olan Âişe bt. Hasan nâm hatun meclis-i şer‘-i hatîr-i lâzımü’t-tekrîmde zevci işbu bâ‘isü’l-kitâb Berber Mustafa b. Erziman nâm kimesne mahzarında ikrâr-ı tâm ve takrîr-i kelâm edip zevcim mezbûr Mustafa zimmetinde mütekarrir ve ma‘kūdün-aleyh olan beş bin akçe mehr-i müeccelimden geçip nafaka-i iddet-i mu‘ayyenem [ve] meûnet-i süknâm dahi kendi üzerime olmak üzre zevcim mezbûr ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eylediğinden sonra hukūk-ı zevciyete müte‘allika cemî‘ da‘vâdan her birimiz âhar[ın] zimmetini ibrâ-yı âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-işrîn min-Saferü’l-hayr li-sene ihdâ ve tis‘în ve elf. Şuhûdü’l-hâl: Ahmed Efendi el-imâm, Müezzin Mehmed Çelebi b. ( ), Muharrem Efendi b. ( ), Mehmed Çelebi b. Haydar, Ahmed Çelebi b. Piyale, Mahmud Çelebi b. ( ).