Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 235 Hüküm no: 210 Orijinal metin no: [53b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emir Nâib vakfının mütevellisi Mustafa Çelebi’nin vakfa ait bazı odaların arsalarını Hasan Efendi b. İbrahim’e ücret-i misli ile kiraladığı Husûs-ı âti’l-beyânın mahâllinde tahrîri iltimâs olunmağın savb-ı şer‘den irsâl olunan Mevlânâ Ebûbekir Efendi b. Abdülkerim mahmiye-i İstanbul’da merhûm Sultân Selim Han -aleyhi’r-rahmetü ve’r-rıdvân- Câmi‘-i Şerîfi kurbünde umdetü’l-kuzât Hasan Efendi b. İbrahim’in sâkin olduğu menzile varıp zeyl-i kitâbda muharrerü’l-esâmî olan Müslimîn huzûrunda akd-i meclis-i şer‘-i Nebevî etdikde merhûm Emir Nâib vaz‘ eylediği eczâ-i şerîfe evkāfı mütevellîsi olan es-Seyyid Mustafa Çelebi b. es-Seyyid Şeyhî meclis-i ma‘kūd-ı mezbûrda mûmâ-ileyh Hasan Efendi mahzarında bi’t-tevliye ikrâr ve takrîr-i kelâm edip mûmâ-ileyh Hasan Efendi’nin medîne-i Konya’da Keçeciler sûkunda vâki‘ merhûm Çaylızâde Ahmed Efendi veresesinden semen-i ma‘lûma ve medfû‘a iştirâ ve temellük eylediği bir bâb mülk hâna muttasıl yirmi bâb odalar merhûm-ı mezbûr Emir Nâib vakfından olup lâkin mârrü’z-zikr odalar müşrif-i harâb ve nâil-i [mâil-i] türâb olup vakfın müceddeden binâya müsâ‘adesi olmamağla mârrü’z-zikr odaların nısfını merhûm-ı mezbûr Ahmed Efendi’ye hayatında semen-i ma‘lûm ve makbûza bi’t-tevliye bey‘ ve temlîk ve teslîm ol dahi iştirâ ve tesellüm ve temellük edip ve arsalarının mecmû‘unu dahi beher yevm sekizer akçe ücret ile mezbûr Ahmed Efendi’ye îcâr ve teslîm edip ol dahi istîcâr ve kabûl eylediğinden sonra merhûm-ı mezbûr Ahmed Efendi vefât eyledikde mârrü’z-zikr hânı mûmâ-ileyh Hasan Efendi merhûm-ı mezbûrun veresesinden semen-i ma‘lûm ve makbûza iştirâ ve kabûl ve temellük edip mârrü’z-zikr odaların arsalarının mecmû‘unu dahi benden yine beher yevm sekizer akçe ücret ile istîcâr ve kabûl etmişidi lâkin mârrü’z-zikr arsaların ücret-i misli meblağ-ı mezbûrdan ezyeddir ücret-i mislini tekmîl eylesin deyü mûmâ-ileyh Hasan Efendi’den da‘vâ etmişidim hâlâ mârrü’z-zikr arsaların mecmû‘unun ücret-i misli beher yevm yirmişer akçe idiği zeyl-i kitâbda muharrerü’l-esâmî olan Müslimînin icmâ‘ ve ittifâkları ile müte‘ayyin olmağla tevliyetim hasebiyle mârrü’z-zikr arsaları yevmî yirmişer akçe ücret ile mezbûr Hasan Efendi’ye îcâr ve mahâllinde teslîm ol dahi ber-vech-i muharrer istîcâr ve kabûl etmişidi lâkin mârrü’z-zikr arsaların ücret-i misli meblağ-ı mezbûrdan ezyeddir ücret-i mislini tekmîl eylesin deyü mûmâ-ileyh Hasan Efendi’den da‘vâ etmişidim hâlâ mârrü’z-zikr arsaların mecmû‘unun ücret-i misli beher yevm yirmişer akçe idüğü zeyl-i kitâbda muharrerü’l-esâmî olan Müslimînin icmâ‘ ve ittifâklarıyla zâhir ve müte‘ayyin olmağla tevliyetim hasebiyle mârrü’z-zikr arsaları yevmî yirmişer akçe ücret ile mezbûr Hasan Efendi’ye [54a] îcâr ve mahâllinde teslîm ol dahi ber-vech-i muharrer istîcâr ve kabûl eyledi ve ücret-i mezkûreden müctemi‘ olan meblağ-ı mezbûr Hasan Efendi’nin mârrü’z-zikr hânını tarafından zabta vekîli olanlar mahâllinde ketb ve tahrîr edip ba‘dehû ma‘an ba‘s olunan Ahmed b. Mehmed ile meclis-i şer‘a gelip alâ-vukū‘ihî inhâ ve takrîr etmeğin mâ-hüve’l-vâki‘ bi’t-taleb ketb olundu. Fi’l-yevmi’s-sânî ve’l-işrîn min-Saferü’l-hayr li-sene ihdâ ve tis‘în ve elf. Şuhûdü’l-hâl: es-Seyyid Süleyman Efendi [b.] es-Seyyid Mehmed Efendi, Esîrî Mehmed Efendi b. el-Hâc Mehmed, el-Hâc Mustafa Efendi b. Receb, Mehmed Efendi b. Ali.