Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 261 Hüküm no: 230 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ali Çelebi b. Hızır’ın küçük kızı Hatice’ye nafaka takdir edildiği Mahmiye-i İstanbul’da Ayasofya-i Kebîr Mahallesi’nde sâkin iken bundan akdem vefât eden Ali Çelebi b. Hızır’ın sulbiye sagīre kızı Hadice’ye babası müteveffâ-yı mezbûrdan ırsen isâbet eden mâlından kadr-ı ma‘rûf nafaka farz ve takdîr olunmak lâzım ve mühim olmağın hâkim-i muvakki‘-i sadr-ı kitâb -tûbâ-lehû ve hüsnü-meâb- hazretleri dahi sagīre-i mezbûreye ber-vech-i mübeyyen kendi mâlından tesviye-i umûru için savb-ı şer‘-i kavîmden mansûb vasîsi olan Hasan Usta b. Mehmed talebiyle yevmî beşer akçe nafaka farz ve takdîr edip lede’l-hâce istidâne ve sarfa ve lede’z-zafer mal-ı mezbûra rücû‘a vasîyy-i mezbûra izin verip mâ-hüve’l-vâki‘ bi’t-taleb ketb olundu. Fi’l-yevmi’l-hâmis aşer min-Saferü’l-hayr li-sene ihdâ ve tis‘în ve elf. Şuhûdü’l-hâl: Hüseyin Efendi b. Bali, Hüseyin Çelebi b. Ali, Hüseyin Çelebi b. Bayram, Müstecâb Efendi b. ( ), Esirci Bekir Beşe.