Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 267 Hüküm no: 237 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Abdullah adlı mükâteb kölenin kitabet bedelini ödeyerek azat olduğu Mahmiye-i İstanbul’da Hadîce Sultân Mahallesi’nde sâkin Mehmed b. Mehmed nâm kimesne müsinn ve pîr ve ihtiyâr olup ma‘tûh olmağla umûrunu görmeğe iktidârı olmayıp emvâlini hıfz ve ahvâlini zabt için savb-ı şer‘den mansûb vasîsi olan Mustafa Beşe b. Mehmed meclis-i şer‘de sâbıkā mezbûr Mehmed’e rıkkını i‘tirâf eden işbu açık kaşlı gök elâ gözlü orta boylu sarı sakallı Rusiyyü’l-asl hâmilü hâze’l-kitâb Yusuf b. Abdullah mahzarında bi’l-vesâye ikrâr ve takrîr-i kelâm edip mevsûf-ı mezbûr Yusuf merkūm Mehmed’in abd-i memlûkü olmağla bundan akdem mevsûf-ı mezbûr Yusuf’u altmış esedî guruş üzerine kitâbete kat‘ edip ol dahi ber-vech-i muharrer kitâbet-i mezbûreyi kabûl etmişidi hâlâ mevsûf-ı mezbûr Yusuf bedel-i kitâbet olan meblağ-ı mezbûr altmış esedî guruşu tamamen bana teslîm ben-dahi vesâyetim hasebiyle alıp kabz ve tesellüm eyledim fîmâ-ba‘d mevsûf-ı mezbûr Yusuf sâir [a]hrâr-ı asliyyîn gibi hür olup mezbûr Mehmed’in mevsûf-ı mezbûr Yusuf üzerinde velâ-yı şer‘îden gayrı hakkı kalmadı dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’[l-yevmi’]s-sânî min-Rebî‘i’l-evvel li-sene ihdâ ve tis‘în ve elf. Şuhûdü’l-hâl: Ahmed Beşe b. Eyüb, Ali Beşe b. Mustafa, Hasan Beşe b. Osman, Yusuf Beşe b. Abdullah, Hasan Beşe b. Cum‘a Çukadâr.