Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 294 Hüküm no: 261 Orijinal metin no: [71a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed adlı kişinin vekili vasıtasıyla karısı Arife bt. Mustafa’yı boşadığı Mahmiye-i İstanbul’da Mehmed Ağa Mahallesi’nde sâkin Mehmed nâm kimesnenin babası ve tarafından husûs-ı [âti]’z-zikre vekîl olup el-Hâc Mehmed b. Abdullah ve Ahmed b. Abdullah şehâdetleriyle şer‘an vekâleti sâbite olan Ahmed b. Abdullah nâm kimesne meclis-i şer‘-i şerîf-i enverde müvekkil-i mezbûrun sâbıkā zevce-i menkûhası olan Ârife bt. Mustafa nâm hatun tarafından husûs-ı âti’z-zikri tasdîka vekîl olup Mustafa b. Osman ve Abdullah Çelebi b. Mustafa şehâdetleriyle şer‘an vekâleti sâbite olup hâlâ zevci olan Seyfullah b. Ahmed nâm kimesne mahzarında bi’l-vekâle ikrâr ve takrîr-i kelâm edip mezbûre Ârife bundan akdem müvekkilim mezbûr Mehmed’in zevce-i menkûhası olmağla bin doksan senesi Recebi’l-ferdinin evâilinde mezbûre Ârife’yi tatlîk ve mehr-i müeccelini teslîm ve hukūk-ı zevciyete müte‘allika âmme-i da‘vâdan ibrâya beni tarafından vekîl ve nâib-i menâb nasb ve ta‘yîn edip ben-dahi vekâlet-i mezbûreyi kabûl ve mezbûre Ârife’yi târih-i mezbûrede tatlîk edip zevci mezbûr Mehmed zimmetinde mütekarrir ve ma‘kūdün-aleyh olan bin akçe mehr-i müeccelini mezbûre Ârife’ye bi’l-vekâle tamamen def‘ ve teslîm eylediğimden sonra hukūk-ı zevciyete müte‘allika âmme-i da‘vâdan ben mezbûre Ârife’yi ibrâ ve ıskāt edip ol dahi mezbûr Mehmed’i ibrâ ve ıskāt eyledikden sonra işbu hüccet-i şer‘iye dahi tahrîr olunmuşidi lâkin oğlum mezbûr Mehmed ber-vech-i muharrer târih-i mezbûrda beni tatlîka vekîl eylediğini inkâr edip müvekkile-i merkūmeyi hâlâ zevce-i menkûhası olmak üzre da‘vâ eyledikde müvekkile-i mezbûre dahi hüccet-i mezbûreyi ibrâz ve mazmûnunu isbât sadedinde iken hâlâ oğlum mezbûr Mehmed târih-i mezbûrda tatlîka beni vekîl edip hüccet-i mezbûreyi mezbûre Ârife’ye verdiğimi bi-tav‘ihiikrâr ve i‘tirâf eyledi dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’l-âşir min-şehri Rebî‘i’l-evvel li-sene ihdâ ve tis‘în ve elf. Şuhûdü’l-hâl: Mehmed Çelebi b. (...) [Haydar], Ahmed Çelebi b. Piyale, Mustafa Çelebi b. Süleyman, Abdi Çelebi b. Mustafa.