Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 298 Hüküm no: 265 Orijinal metin no: [72a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Abdullah’ın evini Mehmed b. Halil’e sattığı Mahmiye-i İstanbul’da Muhtesib İskender Mahallesi sükkânından el-Hâc İbrahim b. Abdullah meclis-i şer‘-i şerîf-i enverde sulbiye kızı Hamide nâm hatunun sadrî oğlu işbu râfi‘u’l-kitâb Mehmed b. Halil mahzarında bi’t-tav‘i’s-sâf ikrâr-ı tâm ve takrîr-i kelâm edip akd-i âti[‘z-zikrin] sudûruna değin silk-i mülk-i sahîhimde münselik olup mahalle-i mezbûrede vâki‘ bir tarafı zevcem İsmihan Hatun mülkü ve bir tarafı Murad Paşa vakfı olan hân ve bir tarafı yine mezbûr Mehmed mülkü ve bir tarafı tarîk-ı âm ile mahdûd fevkānî bir bâb oda ve bir sofa ve bir hizmetkâr odası ve ahır ve tahta-pûş ve bi’r-i mâ ve zât-ı eşcâr-ı müsmire ve gayr-ı müsmire bahçeyi müştemil mülk menzilimi bi-cümleti’t-tevâbi‘ ve’l-levâhık ve kâffetü’l-menâfi‘ ve’l-merâfık mezbûr Mehmed’e üç yüz esedî guruşa tarafeynden îcâb ve kabûlü hâvî bey‘-ı bâtt-ı sahîh-i şer‘î ile bey‘ ve temlîk ve teslîm ol dahi iştirâ ve kabûl ve temellük ve tesellüm eyledikden sonra semeni olan meblağ-ı mezbûr üç yüz esedî guruşu yedinden bi’t-tamam ve’l-kemâl ahz ü kabz ve tesellüm eyledim ba‘de’l-yevm menzil-i mezbûr mezkûr Mehmed’in mülk-i müşterâsıdır keyfe mâ yeşâ’ mutasarrıf olsun dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’l-âşir min-şehri Rebî‘i’l-evvel li-sene ihdâ ve tis‘în ve elf. Şuhûdü’l-hâl: es-Sâbıkūn.