Bab Mahkemesi 54 Numaralı Sicil (H. 1102 / M. 1691) cilt: 20, sayfa: 334 Hüküm no: 401 Orijinal metin no: [69b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Ali Çelebi b. Süleyman Vakfı’nın mütevelliliğine Hacı Musa b. Hacı Osman’ın tayini Mahmiye-i İstanbul’da Hâce Hâtun mahallesinde vâki‘ merhûm Debbâğlar Ahî Babası es-Seyyid Ali Çelebi b. Süleyman’ın altı yüz elli guruş nukūd-ı mevkūfesine meşrûtiyyet üzre mütevellî olan vâkıf-ı mezbûrun kızı oğlu es-Seyyid İsmail Çelebi b. el-Hâc Mehmed umûr-ı tevliyet-i mezbûreyi ikāmetden izhâr-ı acz ve kasr-ı yed etmekle, mahmiye-i mezbûrede el-Hâc Evhad Vakfı mütevellîsi işbu bâ‘isü’l-kitâb el-Hâc Musa b. el-Hâc Osman nâm kimesne her vechile tevliyete ehil ve müstakīm olduğu debbâğlar ihtiyârlarından zeyl-i vesîkada muharrerü’l-esâmi olan sikāt-ı müslimîn ihbârlarıyla mütehakkik olmağın, mezbûr el-Hâc Musa tâife-i mezbûrenin ihtiyâr ve talebleriyle vakf-ı mezbûre kıbel-i şer‘den mütevellî nasb ve ta‘yîn olundukda, ol dahi tevliyet-i mezbûreyi kabûl ve merâsimini edâya ta‘ahhüd ve iltizâm etmeğin, mâ vaka‘a bi’t-taleb ketb olundu. Fi’l-yevmi’t-tâsi‘ aşer min Cumâdelâhire sene 1102. Şuhûdü’l-hâl: Mehmed Efendi b. Musa el-imâm, Hüseyin Ağa b. Mehmed, Balcızâde el-Hâc Abdurrahman Çelebi b. Mehmed, Mustafa b. Kemal, Süleyman b. Ömer, Mustafa Efendi [el-]imâm.