Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 342 Hüküm no: 314 Orijinal metin no: [94b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aznavur v. Hafavad’ın kölesi Vasil v. Vasil’i azat ettiği Mahmiye-i İstanbul’da Yahya Efendi fırınında ekmekçi olan Aznavur v. Hafavad? nâm Ermeni meclis-i şer‘-i hatîr-i lâzımü’t-tekrîmde kendüye rıkkını mu‘terif açık kaşlı sarı elâ gözlü orta boylu kumral sakallı Rusiyyü’l-asl işbu hâmilü’r-rakīm Vasil v. Vasil nâm zimmî abd-i memlûkü muvâcehesinde ikrâr ve takrîr-i kelâm edip mevsûf-ı merkūm Vasil’i lâ li-ivazin ‘âcilin velâ li-garazin âcilin mâlımdam tahrîr ve i‘tâk ve zümre-i ahrâr-ı asliyyîne idrâc ve ilhâk eyledim ba‘de’l-yevm mevsûf-ı merkūm Vasil sâir ahrâr-ı asliyyîn gibi hür olup üzerinde hakk-ı velâdan gayrı hakkım kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sânî min-şehri Rebî‘i’l-evvel li-sene ihdâ ve tis‘în ve elf. Şuhûdü’l-hâl: Mehmed Çelebi b. Haydar, Mahmud Çelebi b. Eyüb el-mukayyid, Abdülfettah Efendi b. Himmet, Ahmed Çelebi b. Piyale, Sahak v. ( ), Vartan v. ( ), Marduke v. Kirkor.