Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 358 Hüküm no: 332 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muazzez bt. Abdullah’ın hür olduğunun ispatlandığı Açık kaşlı sarı elâ gözlü orta boylu Macariyyetü’l-asl hâmiletü hâzihi’l-vesîka Muazze[z] bt. Abdullah meclis-i şer‘-i şerîf-i enverde kendüye rıkk olmak üzre vaz‘-ı yed eden mahmiye-i İstanbul’da Çelebioğlu Mahallesi’nde sâkin el-Hâc Mahmud b. Mahmud mahzarında üzerine da‘vâ ve takrîr-i kelâm edip ben mahmiye-i mezbûrede Çaşnigir odalarında sâkine gāibe ani’l-meclis Âişe bt. Ali nâm hatunun câriye-i memlûkesi olup târih-i kitâbdan beş buçuk sene mukaddem beni mâlından tahrîr ve i‘tâk edip ben sâir harâir-i asliyât gibi hürre olmuş iken mezbûr el-Hâc Mahmud bana rıkk olmak zu‘mu ile vaz‘-ı yed (...) [eder] suâl olunup sebîlim tahliye ve kasr-ı yedine tenbîh olunmak matlûbumdur dedikde (...) [gıbbe’s-suâl mez]bûr el-Hâc Mahmud cevâbında fi’l-hakīka mezbûr[e] Âişe mevsûfe-i mezbûre (...) [Muazzez’i câriye-i memlûke]si olmak üzre dört buçuk sene mukaddem yüz yirmi esedî guruşa (...) (...) [bey‘] ve teslîm ol dahi iştirâ ve kabûl ve kabz etmekle vaz‘-ı yedini ikrâr (...) [lâkin mevsûfe-i mezbûrenin] ber-vech-i meşrûh mu‘teka idüğünü inkâr edicek müdde‘î-i mezbûreden (...) [müdde‘âsını mübeyyine] beyyine taleb olundukda zât-ı mezbûretânı ma‘rifet-i şer‘iye ile ârifûn (...) [olan] mahmiye-i mezbûrede Timurhan Mahallesi’nde sâkin el-Hâc Mustafa b. (...) (...) (...) Veli ve Mustafa Çelebi b. Hasan nâm kimesneler li-ecli’ş-şehâde (...) [meclis-i şer‘a] hâzırân olup isre’l-istişhâd fi’l-vâki‘ işbu (...) (...) Âişe bt. Ali târih-i kitâbdan beş buçuk sene mukaddem (...) [mevsûfe-i mezbûreyi] bizim huzûrumuzda mâlından tahrîr ve i‘tâk (...) [edip biz mevsûfe-i mezbûrenin] sâir harâir-i asliyât gibi hürre olduğuna şâhidleriz (...) [deyü her biri] edâ-i (...) [şehâdet-i şer‘iye] eylediklerinde gıbbe’t-ta‘dîl ve’t-tezkiye (...) [şehâdetleri makbûle olmağın] mûcebiyle mezbûre Muazzez’in hürriyetine ba‘de’l-hükm mâ-hüve’l-vâki‘ (...) [bi’t-taleb ketb olundu]. [Fi’l-yevmi]’l-işrîn min-şehri Rebî‘i’l-evvel li-sene (...) [ihdâ ve] tis‘în ve elf. Şuhûdü’l-hâl: (...) (...) (...) (...) (...) b. Ali, Mustafa Çelebi b. Ali sâkin-i Ali Paşa, Ahmed Çelebi b. Abdurrahman, (...) b. Çelebi (...), Osman Çavuş b. Ahmed el-Mübâşir ve gayruhum.