Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 360 Hüküm no: 334 Orijinal metin no: [98b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hasan ile kocası Mehmed’in muhâlaa yoluyla boşandıkları Medîne-i Ebî Eyyûb-i Ensârî -radıye anhü Rabbühü’l-Bârî- mahallâtından Otakçıbaşı Mahallesi sâkinelerinden Fâtıma bt. Hasan nâm hatun meclis-i şer‘-i hatîr-i lâzımü’t-tevkīrde zevc-i muhâlı‘ı işbu râfi‘u’l-kitâb Mehmed b. (...) [Ali] mahzarında ikrâr ve takrîr-i kelâm edip zevcim mezbûr Mehmed zimmetinde mütekarrir ve ma‘kūdün-aleyh olan bin akçe mehr-i [müe]ccelim üzerine ve nafaka-i iddet-i ma‘lûme ve meûnet-i süknâm dahi kendi üzerime olmak üzre zevcim mezbûr Mehmed ile muhâla‘a-i sahîha-i şer‘iye ile (...) [muhâla‘a edip ol dahi hul‘-ı mezbûru] kabûl eylediğinden sonra hukūk-ı (...) [zevciyete müte‘allika cemî‘ de‘âvî] ve mutâlebâtdan her birimiz âharın (...) [zimmetini ibrâ ve ıskāt] eyledik dedikde gıbbe’t-tasdîkı’ş-şer‘î mâ-hüve’l-vâki‘ (...) [bi’t-taleb ketb olundu]. Fî-gurre-i Rebî‘i’l-âhir li-sene ihdâ ve tis‘în ve (...) [elf]. Şuhûdü’l-hâl: Mehmed Çelebi b. Ali, Ömer Beşe b. Mehmed, Veli Beşe b. Şa‘ban, (...) (...) (...).