Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 370 Hüküm no: 342 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa ile kocası Bayram b. Ahmed’in muhâlaa yoluyla boşandıkları Mahmiye-i İstanbul’da Molla Ahaveyn Mahallesi’nde sâkin zâtı[nı] ma‘rifet-i şer‘iye ile ârifân olan Mehmed Çelebi b. Ahmed ve Mustafa Çelebi b. Mehmed ta‘rîfleriyle mu‘arrefe olan Âişe bt. Mustafa nâm hatun meclis-i şer‘-i şerîfde zevc-i muhâlı‘ı işbu bâ‘isü’l-kitâb Bayram b. Ahmed nâm kimesne mahzarında ikrâr ve takrîr-i kelâm edip mezbûr Bayram zevcim olup zimmetinde mütekarrir ve ma‘kūdün-aleyh olan beş bin yüz akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm kendi üzerime olmak üzre zevcim mezbûr Bayram ile muhâla‘a-i sahîha-i şer‘iye ile muhâla‘a edip ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete ve sâir beynimizde cereyân eden ahz ü i‘tâ ve mu‘âmelât-ı şettâya müte‘allika âmme-i de‘âvî ve mutâlebât ve eymân ve muhâsamâtdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis min-şehri Rebî‘i’l-âhir li-sene ihdâ ve tis‘în ve elf. Şuhûdü’l-hâl: Mehmed Çelebi b. (...), Mehmed Çelebi b. Ahmed, Mustafa Çelebi b. Mehmed, Ahmed Efendi b. ( ), Mehmed Çelebi b. Haydar.