Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 377 Hüküm no: 350 Orijinal metin no: [78a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan’ın cariyesi Muattara bt. Abdullah’ı azat ettiği Mahmiye-i İstanbul’da Ördek Kasab Mahallesi’nde sâkine Âişe bt. Hasan nâm hatun tarafından ıtk-ı âti’z-zikri ikrâra vekîl olup mezbûrenin zâtını ma‘rifet-i şer‘iye ile ârifân olan Veli Beşe b. Ömer ve Hasan Beşe b. Mehmed şehâdetleriyle şer‘an vekâleti sâbite olan Hüseyin Beşe b. Mehmed nâm kimesne meclis-i şer‘-i hatîrde müvekkile-i mezbûreye rıkkını mu‘terife olan açık kaşlı gök elâ gözlü orta boylu Rusiyyetü’l-asl işbu râfi‘atü’l-vesîka Muattara bt. Abdullah muvâcehesinde bi’l-vekâle ikrâr ve takrîr-i kelâm edip müvekkilem mezbûre Âişe Hatun mevsûfe-i mezbûre Muattara’yı hasbeten lillâhi te‘âle’l-azîm ve taleben li-merzâti’r-Rabbi’r-Rahîm mâlından tahrîr ve i‘tâk ve zümre-i harâir-i asliyâta idrâc ve ilhâk eyledi ba‘de’l-yevm mezbûre Muattara sâir harâir-i asliyât gibi hürre olup üzerinde velâdan gayrı hakkı kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sânî min-şehri Rebî‘i’l-âhir li-sene ihdâ ve tis‘în ve elf. Şuhûdü’l-hâl: Fahrü’l-eşbâh Yusuf Ağa b. Kethudây, Süleyman Beşe b. Yusuf, Çörekçi Ali Beşe b. ( ), İbrahim b. Ali, Ahmed Çelebi b. Piyale.