Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 378 Hüküm no: 353 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem bt. Abdullah’ın evinin yarı hissesini kocası Hüseyin Efendi b. Halil’e sattığı Mahmiye-i İstanbul’da Kefeli Mahallesi sâkinelerinden olup zâtını ma‘rifet-i şer‘iye ile ârifân olan Mehmed Halîfe b. İsa el-müezzin ve Hasan b. Hüseyin ta‘rîfleriyle mu‘arrefe olan Meryem bt. Abdullah nâm hatun meclis-i şer‘-i şerîf-i enverde hâlâ zevci işbu râfi‘u’l-kitâb Hüseyin Efendi b. Halil mahzarında ikrâr ve takrîr-i kelâm edip akd-i âti’z-zikrin sudûruna değin silk-i mülkümde münselik olup mahalle-i mezbûrede vâki‘ bir tarafdan Âişe nâm hatun mülkü ve bir tarafdan Sarrâc İbrahim Çelebi mülkü ve bir tarafdan Yahya Çelebi mülkü ve bir tarafdan tarîk-ı âm ile mahdûd iki bâb fevkānî oda ve bir bâb tahtânî oda ve bir bi’r-i mâyı müştemil mülk menzilimin nısf-ı şâyi‘ini tarafeynden îcâb ve kabûlü hâvî bey‘-ı bâtt-ı sahîh-i şer‘î ile zevcim mezbûr Hüseyin Efendi’ye elli kıt‘a esedî guruşa bey‘ ve temlîk ve teslîm ol dahi iştirâ ve kabûl ve temellük ve tesellüm eyledikden sonra semeni olan meblağ-ı mezbûr elli kıt‘a esedî guruşu mezbûrun yedinden tamamen alıp kabz eyledim fîmâ-ba‘d menzil-i mahdûd-ı mezkûrun nısf-ı şâyi‘i mezbûr Hüseyin Efendi’nin mülk-i müşterâsı olmuşdur keyfe mâ yeşâ’ mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis min-şehri Rebî‘i’l-âhir li-sene ihdâ ve tis‘în ve elf. Şuhûdü’l-hâl: İbrahim Çelebi b. Mehmed, Ali Çelebi b. Mehmed, Nakkāşî İbrahim Çelebi, Ahmed Efendi b. Mehmed el-imâm, el-Hâc İsmail b. ( ), Mehmed Çelebi b. Piyale.