Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 382 Hüküm no: 359 Orijinal metin no: [79a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Çelebi’nin vefat eden annesine olan borcu konusunda babası Hamza Efendi’yi ibra ettiği Mahmiye-i İstanbul’da Beyceğiz Mahallesi’nde sâkine iken bundan akdem vefât eden Sâliha bt. Halil nâm hatunun verâseti zevc-i metrûkü umdetü’s-sâlikîn Hamza Efendi b. Mehmed’e ve sadrî kebîr oğlu Abdullah Çelebi’ye münhasıra olduğu şer‘an sâbit ve zâhir oldukdan sonra mezbûr Abdullah Çelebi meclis-i şer‘-i hatîr-i lâzımü’t-tevkīrde bâ‘isü hâze’l-kitâb mûmâ-ileyh Hamza Efendi mahzarında bi-tav‘ihiikrâr ve takrîr-i kelâm edip babam mezbûr Hamza Efendi vâlidem müteveffât-ı mezbûrenin nukūd-ı terekesinden der-kîse ve zimem-i nâsda olan hukūkundan cem‘an dokuz yüz esedî guruş makbûzu olup ve meblağ-ı mezbûru emrim ile vâlidem müteveffât-ı mezbûrenin ba‘zı kimesnelere olan deyni için ve mahalle-i mezbûrede vâki‘ menzil meremmetine verip deynim için evsâfı beynimizde ma‘lûm bir câriye (...) (...) (...) meblağ-ı mezbûr dokuz yüz guruşu (...) (...) edip (...) (...) [79b] dokuz yüz esedî guruşdan babam mezbûr Hamza Efendi yedinde bir akçe ve bir habbe bâkī kalmamağın meblağ-ı mezbûr dokuz yüz esedî guruşa müte‘allika âmme-i de‘âvî ve mutâlebât ve eymân ve muhâsamâtdan babam mûmâ-ileyh Hamza Efendi’nin zimmetini ibrâ-yı âmm-ı kātı‘u’l-hisâm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâmin min-Rebî‘i’l-âhir li-sene ihdâ ve tis‘în ve elf. Şuhûdü’l-hâl: es-Sâbıkūn.