Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 384 Hüküm no: 362 Orijinal metin no: [79b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babası ölen Maryora adlı küçük kıza ninesi Emirse bt. Yorgaki’nin vasî tayin edildiği Mahmiye-i İstanbul hısnı ebvâbından Yedikule kapısı hâricinde mumcu iken târih-i kitâbdan bir sene mukaddem gaybet-i munkatı‘a ile gāib olup hayatı ve memâtı nâ-ma‘lûm olan İsteryo v. Apostol nâm zimmînin sulbiye sagīre kızı Maryora’nın emvâlini hıfz ve ahvâlini zabt için savb-ı şer‘-i enverden vasî nasb ve ta‘yîn olunmak lâzım ve mühim ve sagīre-i mezbûrenin ceddesi işbu hazır bi’l-meclis Emirse bt. Yorgaki nâm Nasrâniye vesâyet uhdesinden gelmeğe her vechile kādir olduğu zeyl-i kitâbda muharrerü’l-esâmî olan Müslimîn ihbârlarıyla müte‘ayyin oldukdan sonra ber-vech-i muharrer mezbûre Emirse sagīre-i mezbûrenin emvâlini hıfz ve ahvâlini zabt için savb-ı şer‘den vasî nasb ve ta‘yîn oldukda ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ-hüve’l-vâki‘ bi’t-taleb ketb olundu. Fi’l-yevmi’l-âşir min-şehri Rebî‘i’l-âhir li-sene ihdâ ve tis‘în ve elf. Şuhûdü’l-hâl: Cafer Çelebi b. Abdullah, Mehmed Çelebi b. Abdullah, Ebûbekir b. ( ), Mustafa Çelebi b. el-Hâc Dilaver, Ahmed Çelebi b. Piyale.