Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 62 Hüküm no: 9 Orijinal metin no: [3a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey’in Ahmed Ağa’dan alacak iddiası hakkında terkin edilmiş kayıt Bu hüccetde tezvîr olduğu mütehakkık olmağla kaydı sicilden terkīn olunmak bâbında fermân-ı âlî sâdır olmağın mûcebince ref‘ ü terkīn olunduğu işbu mahâlle şerh verildi. Fî 28 R. Sene 1116. (Mühür) <> edicek müdde‘î-i mezbûrdan evvelâ verâsetine beyyine taleb olundukda udûl-i ahrâr-ı ricâlden mahmiye-i mezbûrede Kırkçeşme kurbünde el-Hâc Hasan b. Mustafa ve Ahmed Bey b. Abdullah ve Mustafa Bey b. Ahmed ve Hasan b. Abdullah nâm kimesneler li-ecli’ş-şehâde meclis-i şer‘e hâzirûn olup istişhâd olunduklarında fi’l-hakīka işbu müdde‘î-i mezbûr es-Seyyid Mehmed Bey ve gāibetü ani’l-meclis [3b] Şerîfe Âişe Hanım, Nişli müteveffâ-yı mezbûr Ali Paşa b. Abdullah b. Abdurrahman’ın firâşından hâsıl ve zevce-i menkûhası olup kendüden mukaddem fevt olan mezbûre Şerîfe Ümmühani Hanım bt. Haydar Alaybeyi b. Ahmed Paşa’dan mütevellide sadrî oğlu olup müdde‘î-i mezbûr Seyyid Mehmed Bey’e ve sadriye kızı gāibetü ani’l-meclis mezbûre Âişe Hanım’a münhasıra ve kable’l-kısme mezbûr Nişli Ali Paşa dahi fevt olup verâseti sulbî oğlu mezbûr es-Seyyid Mehmed Bey’e münhasıra ve sulbiye kızı gāibe-i mezbûre Şerîfe Âişe Hanım ve ümmü’l-veledi Raziye’den mütevellide âhar sulbiye kızı gāibe-i mezbûre Emine’ye münhasıradır bunlardan gayrı vâris ve terekesine müstahıkk-ı âhar olduğu ma‘lûmumuz değildir deyü bu husûsa bu vech üzere şâhidleriz şehâdet dahi ederiz deyü her biri edâ-yı şehâdet-i şer‘iyye eylediklerinde ba‘de’t-ta‘dîl ve’t-tezkiye şehâdetleri makbûle olmağın mûcebince müdde‘î-i mezbûrun verâsetine ba‘de’l-hükm sâniyen müdde‘î-i mezbûrdan müdde‘âsına mutâbık beyyine taleb olundukda ityân-ı beyyine için istimhâl etmeğin mehl-i şer‘î ile imhâl olunup mâ-vaka‘a bi’t-taleb ketb olundu.>> <> Şuhûdü’l-hâl: İsmail Efendi el-kâtib, Mehmed Ağa b. Ali, Mahmud Efendi b. Arslan, el-Hâc Hasan b. Hüseyin. el-Hâc Yusuf b. Osman, Murad bin Ahmed, Ali Çelebi b. Veli, Ömer Ağa b. Ebubekir, Hasan Çelebi b. İsmail, Diğer Ömer Ağa b. Abdullah, Ahmed Ağa b. Mustafa, Ali Çelebi b. Mehmed.