Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 79 Hüküm no: 29 Orijinal metin no: [8a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha bt. Abdullah’ın boşandığı eşi Abdi Beşe’den olan kızı Rukıye için nafaka tahsisi Mahmiye-i İstanbul’da Akseki mahâllesinde sâkine Saliha bt. Abdullah nâm hatun zâtı ba‘de’t-ta‘rîfi’ş-şer‘î mahmiye-i mezbûrede meclis-i şer‘de zevc-i sâbıkı Abdi Beşe b. Mehmed nâm kimesne mahzarında takrîr-i kelâm edip mezbûr Abdi Beşe’nin firâşından hâsıla ve benden mütevellide olup hâlâ hacr ü terbiyemde olan Rukıye nâm sagīre babası mezbûr üzerine kadr-ı kifâye nafaka farz ve takdîr olunmak matlûbumdur dedikde hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri dahi sagīr-i mezbûrenin nafaka ve kisve ve sâir levâzım-ı zarûriyesine harc u sarfa ve vakt-i zarûretde istidâne ve lede’z-zafer babası mezbûr Abdi Beşe üzerine rücû‘a kıbel-i şer‘den izin verilmeğin mâ-vaka‘a bi’t-taleb ketb olundu. Fî 12 min-Muharremü’l-haram sene 1116. Şuhûdü’l-hâl: Rasul Efendi b. Muharrem, Mehmed Çelebi b. Mehmed, Ahmed Çelebi b. Ali müezzin, Ahmed Çelebi b. Abdullah, Lisânî Mustafa Efendi, Şaban Efendi el-kādı, el-Hâc Mustafa Efendi el-kādı.