Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 80 Hüküm no: 31 Orijinal metin no: [8a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aydıncık kazasının Sofulu köyünden Ali Beşe’nin menzil ve hayvanlarını İbrahim’e satması Vilâyet-i Anadolu’da Aydıncık kazâsına tâbi‘ Sofulu nâm karye ahâlîsinden Ali Beşe b. Mehmed nâm kimesne mahmiye-i İstanbul’da meclis-i şer‘de râfi‘u hâze’l-vesîka İbrahim b. Ali Beşe nâm kimesne tarafından husûs-ı âti’l-beyanı tasdîka vekîl olduğu Ahmed Beşe b. Abdullah ve Abdurrahman Beşe b. Ahmed nâm kimesneler şehâdetleriyle sâbit olan babası mezbûr Ali Beşe b. Muharrem nâm kimesne mahzarında ikrâr ve takrîr-i kelâm edip akd-i âti’z-zikrin sudûruna değin yedimde mülküm olup karye-i mezbûrede vâki‘ bir tarafdan el-Hâc Veli oğlu Mehmed nâm kimesne mülkü ve bir tarafdan Mahmud oğlu Mustafa mülkü ve iki tarafdan tarîk-i âm ile mahdûd iki bâb tahtânî oda ve fırını ve havluyu müştemil menzilimi ve iki çift su sığırı öküzü ve dört aded yanı buzağılı karasığır ineklerini bi-safkatin vâhidetin tarafeynden bi’l-îcâb ve’l-kabûl bey‘-i kat‘î ile müvekkil-i mezbûr İbrahim’e yüz on iki guruşa bey‘ ve temlîk, ol dahi ber-vech-i muharrer iştirâ ve temellük ve kabûl etdikden sonra semeni olan meblağ-ı mezbûru müvekkil-i merkūm İbrahim zimmetinde yedinde olan hüccet-i şer‘iyye mûcebince cihet-i deyn-i şer‘îden deynim olan yüz on iki guruşa takās ol dahi mukāssa ve kabûl eylediğinden sonra menzil-i mahdûd-ı mezbûr ve zikr olunan hayvânât müvekkil-i mezbûr İbrahim’in mülk-i müşterâsı olmuşdur mahâllinde kabza taslît eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 15 min-Muharremü’l-haram sene 1116 Şuhûdü’l-hâl: Mustafa Beşe b. Mehmed, Ahmed Beşe b. Abdullah, Abdurrahman Beşe b. Ahmed, el-Hâc Mehmed b. Şaban, Süleyman Çelebi b. Abdullah, el-Hâc Hasan b. Abdullah.