Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 81 Hüküm no: 32 Orijinal metin no: [8a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Mustafa’nın, Bafra’nın Şeyhanlı köyündeki Şeyh Müstecab mezrasıyla alakası olmadığı Vilâyet-i Anadolu’da Bafra kazâsı ahâlîsinden olup mahmiye-i İstanbul’da müsâfiren sâkin es-Seyyid Ömer b. es-Seyyid Mustafa nâm kimesne mahmiye-i İstanbul’da meclis-i şer‘-i enverde kazâ-i mezbûra tâbi‘ Şeyhanlı nâm karyede vâki‘ merhûm Şeyh Müstecab Zâviyesi’nin berat-ı âlîşân ile zâviyedârı olan işbu râfi‘ü’l-vesîka Hüseyin Efendi b. Mahmud nâm kimesne mahzarında ikrâr ve takrîr-i kelâm edip zâviye-i mezbûra meşrûta olan mârrü’z-zikr Şeyh Müstecâb mezra‘asını ben evlâddan olup bana meşrûtadır deyü merkūm Hüseyin Efendi’den da‘vâya tasaddî etmiş idim. El-hâletü hâzihi ben evlâddan olmayıp ve zikr olunan mezra‘aya yirmi beş seneden mütecâviz mutasarrıf olmağla zâviye-i mezkûre [8b] mezra‘asında benim vechen mine’l-vücûh kat‘â alâka ve medhalim yokdur dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-âdis aşer min-Muharremü’l-haram li-sene sitte aşere ve mi’e ve elf. Şuhûdü’l-hâl: Süleyman Efendi b. Mehmed, Mehmed Efendi b. Habib, es-Seyyid Mehmed b. Ahmed, İbrahim Efendi b. Ahmed, es-Seyyid Ahmed b. Derviş, Ali Bey b. Hasan.