Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 83 Hüküm no: 35 Orijinal metin no: [9a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Divriğili Serkiz’in Zamara karyesinde bulunan tarlasını Mardıros’a satması Vilâyet-i Anadolu’da Divriği kazâsı ahâlîsinden Serkiz v. Toros nâm Ermeni mahmiye-i İstanbul’da meclis-i şer‘de bâ‘isü’s-sifr Mardıros v. Agob nâm Ermeni muvâcehesinde ikrâr ve takrîr-i kelâm edip kazâ-i mezbûra tâbi‘ Zimara nâm karye sınırı dâhilinde vâki‘ bir tarafdan Musa nâm zimmî tarlası ve bir tarafdan Avan nâm Ermeni tasarrufunda tarla ve bir tarafdan dere ve taraf-ı râbii tarîk-i âm ile mahdûd dört dönüm bir kıt‘a tarlamı bâ-ma‘rifet-i sâhib-i arz kırk guruş bedel mukābelesinde merkūm Mardıros’a ferâğ-ı kat‘î ile ferâğ ve tefvîz ol dahi ber-vech-i muharrer tefevvüz ve kabûl eyledikden sonra bedel-i mezbûr kırk guruşu merkūm Mardıros bana def‘ ü teslîm, ben dahi tamâmen alıp kabz eyledikden sonra mahâllinde zabt ü kabza merkūmu taslît eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ aşer min-Muharremü’l-haram sene 1116 Şuhûdü’l-hâl: Veliyüddin Efendi el-kādı, el-Hâc Mehmed Efendi el-kādı, Mehmed Efendi Kādızâde, el-Hâc Yusuf b. Osman, Avanos v. Artin, Asvador v. Sadak, Ağnos v. Apram, diğer Ağnos v. Serkiz