Bab Mahkemesi 54 Numaralı Sicil (H. 1102 / M. 1691) cilt: 20, sayfa: 346 Hüküm no: 418 Orijinal metin no: [72b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülenfer bt. Murtaza’nın cebren parasının alındığı iddiasını ispat edemediği Vilâyet-i Anadolu’da Bafra kazâsına tâbi‘ Mahmudgazi nâm karyede sâkine Gülenfer bt. Murtaza nâm hâtun meclis-i şer‘-i şerîf-i enverde, işbu bâ‘isü’l-kitâb yine karye-i mezbûrede sükkânından el-Hâc Hamza b. Hüseyin nâm kimesne mahzarında üzerine da‘vâ ve takrîr-i kelâm edip, mezbûr el-Hâc Hamza bundan akdem karye-i mezbûrede bi gayri hakkın cebren on iki guruşum ahz u kabz etmeğin, hâlâ suâl olunup, meblağ-ı mezbûru bana red ve teslîme tenbîh olunması matlûbumdur dedikde, gıbbe’s-suâl ve akībe’l-inkâr, müdde‘î-i mezbûreden müdde‘âsına beyyine taleb olundukda, ityân-ı beyyineden izhâr-ı acz ve istihlâf edicek, müdde‘î-i mezbûr Gülenfer’den bâlâda bast olunan minvâl üzre bi gayri hakkın on iki guruşunu ahz u kabz etmeyip, ol vechile meblağ-ı mezbûru red ve teslîm lâzım gelmediğine mezbûr el-Hâc Hamza’ya yemîn teklîf olundukda, ol dahi hasbe’l-mes’ûl yemîn billâhi te‘âlâ etmeğin, mûcebiyle mezbûre Gülenfer bilâ-beyyine bî-vech mu‘ârazadan men‘ olunup, mâ hüve’l-vâki‘ bi’t-taleb ketb olundu. Fi’l-yevmi’r-râbi‘ ve’l-ışrîn min Cumâdelâhire sene 1102. Şuhûdü’l-hâl: Mustafa b. Musa, Halil b. Hüseyin, Ramazan b. Mehmed, Yusuf b. Müstecâb.