Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 100 Hüküm no: 60 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedreddin Bey’in, Arotin v. Mircan’a borçlu olduğunun tescili Sâbıkā Diyarbekir eyâletinde Cizre Beyi olup mahmiye-i İstanbul’da müsâferet vechi üzere sâkin Bedreddin Bey b. Hatem nâm kimesne mahmiye-i mezbûrede meclis-i şer‘-i şer‘-i hatîr-i lâzımü’t-tevkīrde ekmekçi tâifesinden işbu bâ‘isü’s-sifr Arotin v. Mircan nâm zimmî muvâcehesinde ikrâr ve takrîr-i kelâm edip mezbûr Arotin yedinde olan mümzâ ve mahtûm deyn temessükü nâtık olduğu üzere bundan akdem yedinden iştirâ ve kabz eylediğim ekmek bahasından ve cihet-i karz-ı şer‘îden ve sâir beynimizde olan ahz u i‘tâ ve mu‘âmelât-ı şettâdan mezbûr Arotin’e cem‘an yekûn hâlâ zimmetinde vâcibü[‘l-edâ] ve lâzımü’l-kazâ beş yüz altmış beş guruş deynim vardır dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Şuhudü’l-hâl: el-Hâc Mehmed b. Hüseyin, Seyyid Ahmed Çelebi b. Mehmed, Mehmed Çelebi b. Mustafa, Veli Çavuş mübâşir, Ahmed Çelebi b. Abdülcelil.