Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 100 Hüküm no: 61 Orijinal metin no: [13b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah bt. Mustafa’nın eşi İbrahim Efendi’den muhalaa usulüyle boşanması Bâ-imzâ-i hazret-i veliyyü’n-ni‘am efendi Mahmiye-i İstanbul’da Sarrâcishak mahâllesinde sâkine Emetullah bt. Mustafa nâm hatun mahmiye-i mezbûrede meclis-i şer‘de zâtı ba‘de’t-ta‘rîfi’ş-şer‘î zevc-i sâbıkı işbu râfi‘ü’l-vesîka İbrahim Efendi b. Mustafa mahzarında ikrâr-ı tam ve takrîr-i kelâm edip zevcim işbu mezbûr İbrahim Efendi ile hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan dört bin akçe mehr-i müeccelimden fâriğā olup nafaka-i iddet-i ma‘lûmem ve meûnet-i süknâm dahi kendi üzerime olmak üzere hul‘ eylediğimde ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan ben mezbûr İbrahim Efendi’nin zimmetini ibrâ ve iskāt edip mezbûr İbrahim Efendi dahi benim zimmetimi ibrâ ve iskāt eyledi. Min-ba‘d her birimiz âhar ile hukūk-ı zevciyete müte‘allıka aslâ da‘vâmız yokdur dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis ve’l-ışrîn min-Muharremü’l-haram sene 1116. Şuhûdü’l-hâl: es-Seyyid Ali Çelebi b. Emin Ahmed, Hüseyin Çavuş b. İbrahim, Mustafa Çavuş b. İbrahim, Mustafa Çavuş an-Silahdâran, Ali Efendi b. Ahmed, Mustafa Efendi b. Ahmed, Ali Efendi b. Abdurrahman, Mustafa Efendi b. Ali, İbrahim b. Abdülbaki, Hüseyin Efendi b. Nimet, İsmail Efendi el-kādı, Ahmed Çelebi b. ( ), Ahi? Yusuf