Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 191 Hüküm no: 131 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aksabet bt. Avanos’un üvey oğlu Garos’da olan alacak davasında anlaşma sağlanması Mahmiye-i İstanbul’da Kumkapı sâkinelerinden Aksabet bt. Avanos nâm Nasrâniye mahmiye-i mezbûrede meclis-i şer‘de üveyi oğlu bâ‘isü’s-sifr Garos v. Haçador nâm zimmî muvâcehesinde ikrâr ve takrîr-i kelâm edip merkūm Garos bundan akdem evlenmek murâd eyledikde düğün masârıfına harc u sarfa tarafından beni tevkîl, ben dahi ba‘de’l-kabûl esnâ-i cem‘iyyetde ta‘âm ve sâir masârıfına kendi akçemden yetmiş guruş harc u sarf eylediğimden sonra meblağ-ı merkūmun altmış guruşunu saçı nâmıyla gelen nukûd ve eşyâdan ahz u kabz edip mâ‘adâsı olan on guruşu dahi merkūm Garos’dan taleb ve da‘vâ eylediğimde ol dahi vekâlet-i merkūmeyi ikrâr lâkin yetmiş guruş mertebe harc u sarf eylediğimi inkâr edip bu vechile beynimizde nizâ‘-ı küllî vukū‘undan sonra el-hâletü hâzihi tavassut-ı muslihîn ile husûs-ı mezbûra müte‘allıka da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis ve’l-ışrîn min-Saferi’l-hayr li-sene sitte aşere ve mi’e ve elf. Şuhûdü’l-hâl: el-Hâc Veli b. Ahmed, Mustafa Çelebi b. Ahmed, Mahmud Çelebi b. Receb, el-Hâc Yusuf b. Osman, Bedros v. Sefer, Bahşi v. Bagi, Serkiz v. Haçik, Avanos v. Bağdasar.