Bab Mahkemesi 54 Numaralı Sicil (H. 1102 / M. 1691) cilt: 20, sayfa: 357 Hüküm no: 433 Orijinal metin no: [75a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Selim b. Ebûzeyd’in, gelini Fâtıma’nın nafakasını karşılamayı taahhüt etmesi Kasaba-i Kasımpaşa mahallâtından [Tahtakadı] mahallesi sükkânından el-Hâc Selim b. Ebûzeyd nâm kimesne meclis-i şer‘de Fâtıma bt. Sefer mahzarında takrîr-i kelâm ve ta‘bîr ani’l-merâm edip, mezbûre Fâtıma sulbî oğlum işbu hâzır bi’l-meclis Sa‘di’nin, hâlâ zevce-i menkûhası olup, lâkin mezbûr Sa‘di işbu sene-i mübârekde sefer-i hümâyûna âzim olmağla, zevcesi mezbûre Fâtıma vâlidesi Ayşe nâm hâtun ile ma‘an sâkine olmağla benim dahi oğlum mezbûr Sadi’nin mezbûreyi infâka adem-i iktidârından nâşî avdet edip gelinceye değin, kendi mâlımdan infâk etmek üzre ta‘ahhüd ve iltizâm eyledim dedikde, mezbûr el-Hâc Selim’in minvâl-i muharrer üzre olan takrîri bi’t-taleb ketb olundu. Fi’l-yevmi’l-hâmis ve’l-ışrîn min Cumâdelâhire sene 1102. Şuhûdü’l-hâl: İbrahim Çelebi er-râcil, Mustafa b. Şaban, Mustafa b. Ahmed.