Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 259 Hüküm no: 212 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Dimitri’nin Kerpiniş Kasabası dahilindeki bağını Zafiri v. Yorgi’ye satması Vilâyet-i Rumeli’nde nefs-i Kerpiniş kasabası ahâlîsinden ve bakkāl tâifesinden Yorgi v. Dimitri nâm zimmî mahmiye-i İstanbul’da meclis-i şer‘de kasaba-i mezbûre sâkinlerinden işbu râfi‘ü’s-sifr Zafiri v. Yorgi nâm zimmî muvâcehesinde ikrâr ve takrîr-i kelâm edip akd-i âtî sudûruna değin yedimde mülküm olup nefs-i Kerpiniş sınırı dâhilinde vâki‘ Ahor nâm mahâlde bir tarafdan Karaki bağı ve bir tarafdan Taryo zimmî bağı ve bir tarafdan Keşişler tarlası ve bir tarafdan tarîk-i âm ile mahdûd tahmînen dört dönüm bağımı tarafeynden bi’l-îcâb ve’l-kabûl bey‘-i kat‘î ile merkūm Zafiri’ye otuz guruşa bey‘ ve temlîk edip ol dahi iştirâ ve temellük ve kabûl etdikden sonra semeni olan meblağ-ı mezbûru yedinden ahz u kabz edip ba‘de’l-yevm zikr olunan bağ-ı mezbûr Zafiri’nin mülk-i müşterâsıdır mahâllinde kabza mezbûru taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fî 23 min-Rebî‘ülevvel sene 1116. Şuhûdü’l-hâl: İsmail Efendi kâtib, Mustafa Efendi kâtib, Ahmed Efendi kâtib, el-Hâc Yusuf, Yorgi v. Dimo, Dimo v. Kiryazi, Yani v. Nikola, Yorgi? v. Dimo.