Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 270 Hüküm no: 224 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Ali’nin eşi Hasan Beşe’den muhalaa usulüyle boşanması Mahmiye-i İstanbul’da Sinanpaşa mahâllesi sâkinelerinden Havva bt. Ali nâm hatunun zâtı ba‘de’t-ta‘rîfi’ş-şer‘î mahmiye-i mezbûrede meclis-i şer‘de zevc-i muhâli‘i işbu bâ‘isü’l-vesîka Hasan Beşe b. Mehmed nâm kimesne mahzarında ikrâr ve takrîr-i kelâm edip zevcim mezbûr Hasan Beşe ile beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Hasan Beşe ile muhâla‘a-i sahîha-i şer‘iyye ile muhâla‘a edip ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allıka âmme-i da‘vâdan her birimiz âharın zimmetini ibrâ-i âm ile ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâlis ve’l-ışrîn min-şehri Rebî‘ülevvel sene 1116. Mehmed Efendi b. Ahmed, İsmail Efendi el-kâtib, Mehmed Efendi el-imâm, el-Hâc Mustafa el-müezzin, Ahmed Çelebi b. Mehmed, el-Hâc Yusuf b. Osman.