Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 270 Hüküm no: 225 Orijinal metin no: [61a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Belkıs bt. Mustafa’nın eşi Ahmed Receb’den muhalaa usulüyle boşanması Mahmiye-i İstanbul’da Dülgeroğlu mahâllesinde sâkine Belkıs bt. Mustafa nâm hatun tarafından husûs-ı âti’l-beyana vekîl olduğu zâtını ma‘rifet-i şer‘iyye ile ârifân Ali b. Selim ve İbrahim b. Mehmed nâm kimesneler şehâdetleri ile şer‘an sâbit olan İlyas b. Mehmed nâm kimesne mahmiye-i mezbûrede meclis-i şer‘de müvekkile-i mezbûrenin zevc-i muhâlı‘ı olan bâ‘isü’l-kitâb Ahmed b. Receb nâm kimesne mahzarında bi’l-vekâle ikrâr ve takrîr-i kelâm edip mezbûr Ahmed müvekkilem mezbûre Belkıs’ın zevci olup beynlerinde hüsn-i zindegâneleri olmamağla müvekkilem mezbûre Belkıs Hatun mezbûr Ahmed zimmetinde mütekarrir ve ma‘kūdün-aleyh olan iki bin akçe mehr-i müecceli ve nafaka-i iddet-i ma‘lûmesi üzerlerine ve meûnet-i süknâsı dahi kendi üzerine olmak üzere mezbûr Ahmed ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru ba‘de’l-kabûl hukūk-ı zevciyete müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi ve’l-ışrîn min-şehri Rebî‘i’l-evvel li-sene sitte aşere ve mi’e ve elf. Şuhûdü’l-hâl: Ömer Efendi kâtib, Kasım b. Receb, Ahmed Beşe b. Abdullah, Hüseyin Beşe b. Osman, Ahmed b. Abdullah, Ramazan b. Derviş, el-Hâc Yusuf b. ( )