Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 274 Hüküm no: 232 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. İbrahim’in eşi Süleyman’dan boşanması Mahmiye-i İstanbul’da Yenibahçe kurbünde Behram Ağa mahâllesi sâkinelerinden Hadîce bt. İbrahim nâm hatun mahmiye-i mezbûrede meclis-i şer‘de zevc-i mutallıkı bâ‘isü’l-vesîka Süleyman b. Abdullah nâm kimesne [mahzarında] ikrâr ve takrîr-i kelâm edip zevcim mezbûr beni târîh-i kitâb günü tatlîk etmekle zimmetinde mütekarrir ve ma‘kūdün-aleyh olan dört yüz akçe mehr-i müeccelimi ve nafaka-i iddet ve meûnet-i süknâm mukābelesinde dahi bi’t-terâzî ta‘yîn olunan üç yüz akçeyi mezbûr Süleyman bana def‘ ü teslîm ben dahi yedinden ahz u kabz edip husûs-ı mezbûra ve târîh-i kitâba gelince beynimizde cereyân eden ahz u i‘tâ ve mu‘âmelât-ı şettâ ve sâir hukūk-ı zevciyete müte‘allıka umûrda her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-şehri Rebî‘i’l-evvel li-sene sitte aşere ve mi’e ve elf. Şuhûdü’l-hâl: Halil Çeleb b. Ali, Mehmed Çelebi b. Mehmed, el-Hâc Ali b. Ahmed, el-Hâc Yusuf b. Osman, Ali Çelebi b. Mehmed.