Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 285 Hüküm no: 244 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un küçük kızı Ümmühani için nafaka tahsisi Mahmiye-i İstanbul’da Alipaşa-i atik mahâllesi sâkinelerinden Emine bt. Abdullah nâm hatun zâtı ba‘de’t-ta‘rîfi’ş-şer‘î mahmiye-i mezbûrede meclis-i şer‘de zevc-i mutallıkı Mehmed Efendi b. Hasan mahzarında takrîr-i kelâm edip mezbûr Mehmed Efendi’nin firâşından hâsıla ve benden mütevellide ve bi-hakkı’l-hıdâne hacr ve terbiyemde olan işbu sagīre Ümmihani’ye babası mezbûr Mehmed Efendi üzerine kadr-ı kifâye nafaka takdîr olunmak matlûbumdur dedikde, hâkim-i muvakkı‘-ı sadr-ı kitâb tûbâ lehû ve hüsnü-meâb hazretleri sagīre-i mezbûrenin nafakası için babası mezbûr Mehmed Efendi üzerine târîh-i kitâbdan beher yevm sekizer akçe nafaka ve kisve-baha farz edip meblağ-ı mefrûz-ı mezbûru sagīre-i mezbûrenin nafaka ve kisve ve sâir levâzımı için harc u sarfa ve vakt-i zarûretde istidâne ve lede’z-zafer babası mezbûr üzerine rücû‘a izin vermeğin mâ-vaka‘a bi’t-taleb ketb olundu. Fî-gurreti Rebî‘ülâhir sene 1116. Şuhûdü’l-hâl: Hüseyin Efendi b. Himmet, İsmail Efendi kâtib, Veliyüddin el-kādı, Mehmed Efendi b. ( ) el-Hâc Yusuf b. Osman.