Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 289 Hüküm no: 249 Orijinal metin no: [66a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un eşi Abdullah’dan muhalaa usulüyle boşanması Mahmiye-i İstanbul’da Cebecibaşı mahâllesi sâkinelerinden olup zâtı ma‘rifet-i şer‘iyye ile ârifân Ahmed Çelebi b. Dede ve Mehmed b. Rasul nâm kimesneler ta‘rîfleriyle mu‘arrefe olan Hadîce bt. Abdullah nâm hatun meclis-i şer‘de zevc-i muhâlı‘ı işbu bâ‘isü’l-vesîka Abdullah b. Hüseyin nâm kimesne mahzarında ikrâr ve takrîr-i kelâm edip mezbûr Abdullah ile beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan iki bin akçe mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Abdullah ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra hukūk-ı zevciyete müte‘allıka da‘vâdan her birimiz âharın zimmetini ibrâ ve iskāt eyledik dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî min-şehri Rebî‘i’l-âhir sene sitte aşere ve mi’e ve elf. Şuhûdü’l-hâl: Veli Efendi el-kādı, Ahmed Çelebi el-kâtib, İsmail Efendi el-kâtib, el-Hâc Yusuf b. Osman