Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 319 Hüküm no: 288 Orijinal metin no: [74a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un Ali Bey’e borcu olduğunu ikrar etmesi Mahmiye-i İstanbul’da Fethiye mahâllesinde Tevkī‘î Cafer Çelebi mahâllesi sâkinelerinden ve zâtı Ali Beşe b. Ahmed ve Mahmud b. Hasan nâm kimesneler ta‘rîfleriyle mu‘arrefe olan Ümmühani bt. Abdullah nâm hatun mahmiye-i mezbûrede meclis-i şer‘-i hatîr-i lâzımü’t-tevkīrde işbu râfi‘ü’l-vesîka Ali Bey b. Ebubekir nâm kimesne mahzarında ikrâr ve takrîr-i kelâm edip mezbûr Ali Bey malından altmış üç guruş bana ikrâz ve teslîm ben dahi yedinden iktirâz ve kabz ve tesellüm edip meblağ-ı mezbûr altmış üç guruş mezbûr Ali Bey’e zimmetimde vâcibü’l-edâ ve lâzımü’l-kazâ deynimdir deyü bi-tav‘ihâ ikrâr u i‘tirâf etmeğin gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâmin aşer min-şehri Rebî‘i’l-âhir li-sene sitte aşere ve mi‘e ve elf. Şuhûdü’l-hâl: Hacı Mehmed Efendi el-kâtib, Ömer Efendi kâtib, Ali Çelebi b. Hasan, Mehmed Beşe b. Yusuf, İbrahim Çelebi b. Ali, Mustafa b. Muslı, İsmail b. Ali, Ali b. Ahmed.