Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 325 Hüküm no: 297 Orijinal metin no: [75b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan bt. Mehmed’in Marat v. Donik’te emanet olan eşyalarını teslim alması Vilâyet-i Rum[eli’nde] Medîne-i Malkara mahâllâtından Tahtamescid mahâllesi sâkinelerinden olup mahmiye-i İstanbul’da müsâfiren sâkine İsmihan bt. Mehmed nâm hatun zâtı ba‘de’t-ta‘rîfi’ş-şer‘î mahmiye-i mezbûrede meclis-i şer‘de medîne-i mezbûre ahâlîsinden işbu râfi‘ü’s-sifr Marat v. Donik nâm Ermeni muvâcehesinde ikrâr ve takrîr-i kelâm edip bundan akdem mezbûr Marat yedine emânet vaz‘ eylediğim beynimizde ma‘lûm bir köhne kebe ve bir küpden mâ‘adâ iki sini ve dört tencere, bir tâbe-i kebîr ve bir tâbe-i sagīr ve iki tas ve iki bakraç ve sekiz sahan ve iki lengeri ki mecmû‘u yirmi iki aded bakırı merkūm Marat bana işbu meclis-i şer‘de teslîm ben dahi yedinden tamâmen ahz u kabz eylediğimden sonra zikr olunan kebe ve küpden mâ‘adâ mezbûr Marat zimmetinde hakkım kalmamışdır dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin min-şehri Rebî‘i’l-âhir sene sitte aşere ve mi’e ve elf. Şuhûdü’l-hâl: Mehmed Çavuş b. Mustafa, Veli Efendi el-kādı, Ömer Efendi kâtib, el-Hâc Yusuf muhzır.