Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 341 Hüküm no: 317 Orijinal metin no: [80a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Mehmed’in eşi Süleyman Efendi’den boşanması (bâyin) Mahmiye-i İstanbul’da Ma‘cûncu Kasım mahâllesinde sâkine olup zâtı Mehmed Çelebi b. Musa ve el-Hâc Süleyman nâm kimesneler ta‘rîfleriyle mu‘arrefe olan Şerîfe Fâtıma bt. es-Seyyid Mehmed nâm hatun mahmiye-i mezbûrede meclis-i şer‘-i hatîrde zevc-i mutallıkı işbu bâ‘isü’l-kitâb Süleyman Efendi b. Hasan nâm kimesne mahzarında bi-tav‘ihâ ikrâr ve takrîr-i kelâm edip mezbûr Süleyman Efendi zevcim olup beni bâyinen tatlîk etmekle zimmetinde mütekarrir ve ma‘kūdün-aleyh olan üç bin akçe mehr-i müeccelim ve nafaka-i iddet-i ma‘lûmem <<üzerlerine>> ve meûnet-i süknâm için bi’t-terâzî ta‘yîn olunan altı yüz akçe ki cem‘an üç bin altı yüz akçeyi mezbûr Süleyman Efendi bana def‘ ü teslîm ben dahi yedinden tamâmen ahz u kabz eylediğimden sonra hukūk-ı zevciyete ve sâire müte‘allıka âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi ve’l-ışrîn min-Rebî‘ülâhir sene 1116. Şuhûdü’l-hâl: Nuh Çelebi b. Ahmed, Mehmed Çelebi b. İbrahim, Ahmed Efendi b. Yusuf, İsmail Çavuş b. Halil, Ali Çavuş el-mübâşir, el-Hâc Yusuf b. Osman.